Samichlausgedicht - Es Hüüsli stoht im Tannenwald

Es Hüüsli stoht im Tannewald,
zmitzt im verschneite Gländ,

nur Tierli chömed dra verbi,
wenn's öppis z'Frässe wänd.

De Schmutzli und de Samichlaus
füllet jede Tag ufs neu

s'Fuetterchrippli hinterm Huus
mit feinem, frischem Heu.

De Esel, d'Reh und d'Hirsche
frässed gärn dervo

und was derbi uf d'Erde fallt,
das isch für d'Häsli do.

Jetz müen's aber pressiere,
es bliibt nümm so viel Ziit,

de Wäg i d'Stube vo de Chind
isch streng und ziemli wiit.

Sie händ die warme Stiefel a
und chnöpfet d'Mäntel zue.

Chlaus und Schmutzli, gäll ihr zwei
händ hütt no sehr viil z'tue.