Samichlausgedicht - Samichlaus, Ich han e Idee

Wie wärs, wenn du im Summer chunsch? 
Das wär denn scho chli zum Lache! 
Statt em Esel chöntisch du, 
per Velo, Bsüech cho mache. 

Oder mit dä Rollerskates, 
chöntsch zu de Chinder flitze, 
i dim dicke Mantel, gäll, 
do möstisch aber schwitze. 

Statt Zimetstern und Nüssli, 
möstisch Glace chaufe, 
aber i dim warme Sack, 
do wür das gad verlaufe. 

D’Idee, dass du im Summer chunsch, 
isch glich nöd ä so guet, 
dä Chlaus dä mues im Winter cho, 
wänns viellicht schneie tuet. 

Du chunsch immer im Dezember, 
so isch es i üsem Land, 
ich glaub es söll so bliibe, 
suscht gits es Durenand