Samichlausgedicht - Was isch das für es Liechtli?

Was isch säb für es Liechtli?
Was isch säb für en Schiin?
De Chlaus mit de Latärne
lauft grad de Wald duri.

Sin Esel, de hed glaade,
er rüeft, I-a, I-a!
Hüt dörf i mit mim Meischter
Emal is Städtli ga!

Im Sack, da hets vill Nüssli,
Tirggel und Zimmetschtern,
die träg ich, wär's en Zentner,
für d'Chinder schÜli gärn!

Aber die tusigs Ruete,
die han i ufem Strich
die bruucht min guete Meischter,
ja nid emol für mich.

Ich folg ihm gärn uf's Wörtli,
und laufe, was i cha,
die liebe Chind im Städtli,
müend doch au öppis ha!